තේමාවක් නැත -3

………සිහිනයක් සිහිනයක් පාසා………

රැස් කර තබන්නෙමි, සිතෙහි කොනක

බලාපොරොත්තුව නම් රැකවල් යොදා

………ගිනි ගෙන දැවෙනා ජීවයට………

සෙනෙහසේ පිනි දියර ඉසින්නට

………සැබෑවට ඔබ එනතුරා ………

‍‍‍‍‍(--just a thought--)

තේමාවක් නැත -2

වසන්ත නිම්නයේ

හුදකලාව පිපුණ

වියළි කඩදාසි මල

අහඹුව ඇද හැළුණු

පිනි වර්ෂාවට

තෙත බරිත වී

නව ජීවයක් ලැබ

මන්ද මාරුතයට තම

සුවඳ විඳගන්නට ඉඩදී

යළිත් එයිද ඒ

සීතල පිනි වැස්ස

සිතා සිතා බිමට නැඹුරුවූ

‍හිසෙන්, විකසිතව පොපියයි

ඔබ නම් ඒ පිනි වැස්ස
ගත දැවටී ජීවය ලබන්නට
බලා සිටින කඩදාසි මල
වෙන්නෙමී මම……..

නවත්ත ගනින් ඔය චුරුචුරුව…!

නෙත් කෙවෙනි අග දිලෙන

පොඩි කඳුළු බින්දුවේ......

වැටෙන්නට නම් එපා....

තව ටිකක් ඉවසපන්......

ඉස්සර තරම් නුඹව දැන් ඔහුට අගේ නෑ........

නූඹ කොතෙක් ගැලූවත් දැන් ඔහුට වගක් නෑ..

"නවත්තා ගනින් දැන්ම උඹේ ඔය චුරු චුරුව"

කියන්නට ඉඩ නොදී, අනේ නුඹ සිඳීයන්....!